Siraragsak nga immpakaamo ni Sang. Panlalawigan Member Domingo Ambrocio, Chairman ti Committee on Agriculture a ngimmaton ti panaggatang ti National Food Authority iti kada kilo ti irik.
Segun kenkuana, karaman ni Gob. Matthew Marcos Manotoc kadagiti kangrunaan a naragsakan iti dayoty a banag kas maysa kadagiti naiget a mangkitkita iti pagimbagan dagiti mannalon ditoy probinsia.
Imbatadna a manipud sangapulo ket tallo a pisos iti kada kilo a problema dagiti mannalon itay kallabes ket nagbalinen a sangapulo ket siam a pisos iti kada kilo iti nabilag a maimbag nga irik.
Kuna ni Ambrocio a daytoy ti inpakaammo kenkuana ni Engr. Eleonor Andres, general manager ti NFA ditoy probinsia.
Nupay kasta, inbunannag ti bokal nga ikarkararagna a ngumato pay ti presyo ti nasao a produkto dagiti mannalon.
Inlawlawagna a daytoy ket gapu ta no sumayaat ti panagbiag dagiti mannalon ket sigurado a mairaman dagiti dadduma pay a kakailina. (OIC Rodrigo G. Sadian, RPN DZRL Batac)
(Source: National Food Authority)