Ang operasyon nga gihimo sa General Santos City Police Office-Police Station 1 personnel sa Sarif Mucsin, Barangay Baluan, General Santos City niadtong Hulyo 3, 2024 miresulta sa engkwentro tali sa kapulisan ug sa Top1 City Most Wanted Person nga suspek.
Subay sa report, giila ni Police Brigadier General Percival Augustus P Placer, Regional Director sa Police Regional Office 12, ang target sa operasyon nga si alyas “Mac”, 29 anyos, minyo, negusyante ug residente sa nahisgutang lugar.
Dugang niini, samtang nagsilbi og warrant-of-arrest ang mga operatiba, kalit nga mipabuto og armas ang suspek nga miresulta sa engkwentro, nakaangkon og samad pinusilan ang suspek.
Dali kining gidala sa pinakaduol nga Ospital aron unta masalbar ang kinabuhi niini, apan gideklarar kining dead on arrival sa misugat nga Doktor. (Rem Agdon)
(Source: PCADG12)