El pulisiya ya aresta con un negociante listao como el aka-ocho most wanted persona na jurisdiccion del Police Regional Office-9 (PRO-9).
El PRO-9 ya nombra con el arestao negociante como si Marlito Sudicta Porras, treynta’y nueve años el edad y residente de Barangay San Jose, Imelda, Zamboanga Sibugay.
Asegun con el PRO-9 cay con Porras ya aresta maga alas dies sinco del Martes aga na Sitio Puting Bato, Barangay San Jose, Kalawit, Zamboanga del Norte.
Asegun con el pulisiya si Porras tiene pendiente dos orden de aresto.
El primero amo por violacion del Comprehensive Dangerous Drugs Act of 2002 con el piansa de dosientos mil pesos ya dale el jusgado del Imelda, Zamboanga Sibugay del Agosto dies año dos mil veinte.
El Segundo orden de aresto amo por violacion del Comprehensive Firearms and Ammunition Regulation Act con el piansa de siento veinte mil pesos ya dale el jusgado del Imelda, Zamboanga Sibugay del Mayo dose año dos mil deci-seis.
Si Porras ta esta ahora bajo el custodiya del pulisiya na municipio del Imelda provincial de Zamboanga Sibugay. (B. Garcia)