Misamis Oriental – PORMAL nang giablihan ang selebrasyon sa National Statistics Month ning bulan sa Oktubre dinhi sa probinsya. Kini sa temang “Advancing Data and Statistics through Digital Transformation: A Road to an Empowered Nation”.
Niini gihatagan hibug-aton ang importansya sa digitalization ug statistics sa pagpalambo sa ekonomiya ug industriya sa tibuok rehiyon 10.
Anaa mihatag og mga mensahe sila si Department of Information and Communications Technology (DICT) 10 Regional Director Sittie Rahma V. Alawi, Philippine Statistics Authority (PSA) 10 Janith C. Aves ug National Economic and Development Authority (NEDA) 10 Regional Director Mylah Faye Aurora B. Carino.
Pulos misentro kini sa hisgutanan sa mga programang gitagana alang sa government offices, academe ug private organizations.
Samtang ang mga partsipante gilangkoban sa DOST, DPWH, DA ug daghan pang uban. Sila mihatag usab og positibong reaksyon alang na sa maong kolaborasyon.