Mabulukong napahigayon ang usa ka inisyal nga Test Run Operation sa bag-ong Slaughterhouse Disyembre 12, 2024 nga atoa nahimutang sa Barangay Lugdungan, Dipolog City, ZN.
Matud pa ni City Veterinarian, Dr. Imelda Villacrucis nga ang nasangpit nga Test Run Operation ang napahigayon inubanan sa mga personahe nga nag gumikan pa kini sa rehiyonal nga buhatan sa National Meat Inspection Service (NMIS), nga gipanguluhan ni NMIS Regional Director, Roie Lee Cataluña.
Dugang saysay ni Dr. Villacrucis nga kining nahisgutang nga Test Run Operation may kalabot na sa usa ka mandatory nga “Slaughterhouse Operation and Management Orientation Seminar (SOMOS) diin gilusad dinhi sa dakbayan sa Dipolog sulod sa tulo ka adlaw lamang,nagsugod kini sa Disyembre 10 hantud na sa Disyembre 12, diin usa kini sa mga kinahanglan kung ugaling magkuha sa mga akreditasyon alang sa bag-ong gitukod nga slaughterhouse, ang “Double AA” nga klasipikasyon.
Gipasabot ni Dr. Villacrucis nga mandatory gayud ang pagparuman niini sa tanang mga slaughterhouse nga mopa-ilawom sa SOMOS, sa tumong nga mapalantawan niini ang kahimtang sa mga matag pasilidad, kun ugaling aduna pa bay mga kakulangon, ayha kini mupahigayon sa operasyon, sa gikatadang rekesito sa NMIS.
Matud pa, nga karong nagsingabot sa bulan sa Enero,2025 magpahigayon na usab,ug laing Test Run Operation sa wala pa mahibaw-i nga mga petsa, aron sa masiguro ang hingpit nga pagsusi kun ugaling pwede na ba kining hatagan sa akreditasyon isip “Double AA” slaughterhouse.
Ang nahisgutan nga SOMOS ang gilangkuban sa mga partisipantes nga apil na ang mga personahe gikan sa dinhi aa Dipolog City slaughterhouse ug sa mga mangihaway (butchers),diin sila ang hingtundang nga may kalabot na ning nahisgutang klase sa paningabuhi. (Angelica T. Obina)
(Source: Dipolog City Government)