34.3 C
Manila
Tuesday, April 16, 2024

National highway sa General Santos, tricycle bawal na mu-agi

- Advertisement -

General Santos City – Pagbawal sa mga tricycle nga mu-agi sa national highway alayon sa gipagawas nga DILG Memoradum Circular 2022-036. Kini ipatuman sa lokal nga panggamhanan sa dakbayan ang Sumala kang Atty. Rowi Malayag, labaw sa City Public Safety Office nga tuig 2020 pa ang maong memorandum circular sa DILG apan wala napatuman gumikan sa pandemic ug tungod sa mga gipatuman nga lockdown.

Pagpaklaro niya nga gumikan walay alternatibong dalan kaniadto gawas sa makar-digos road ug silway bridge padulong sa sentrong bahin sa syudad dili usab mapatuman ang maong memorandum.

Dugang pamahayag  ni Atty. Malayag nga karon nga na-ablihan na ang Olaer-Yumang Extension Road, wala nay rason ang mga tricycle ug pedicabs nga mu-agi sa Makar-Digos Road partikular na ginahimo nga underpass.

Apan gibutyag niini nga adunay exemption sa implementasyon sa maong memorandum, gumikan ang mga tricycle gikan sa Barangay Tambler, Calumpang ug Labangal, walay alternatibong dalan pasulod sa sentrong bahin sa syudad partikular na padulong sa Silway Bridge kundili ang national higway kung asa kinahanglan nga sila mu-agi gamit ang outer most lane.

Ang Traffic Management Unit ug City Traffic maoy natahasan nga manakop sa kinsa mang mu-agi sa National Highway.

Nanawagan man usab si Atty. Malayag sa mga tricycle drive ug operator nga sabton una ang balaud ug ang lakang nga ginahimo sa LGU Gensan.

Pagpaklaro niini nga dugay na nga nasayud ang mga driver ug operator nga bawal gyud silang mu-agi sa national highway apan gumikan wala pay alternatibong dalan kaniadto, sila ginatugutan gihapon gamit ang outer most lane.

Sa karon, pasensyahan lang matud pa sa kinsa mang madakpan nga mu-agi sa National Highway. (John Rey Somido)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -