National Disaster Resilience Month 2024 gisugdan sa probinsiya sa Surigao del Norte

0
11
(Photo courtesy of Mark James Lisondra)

An National Disaster Resilience Month 2024 sa Probinsya sa Surigao del Norte sa pagpanguna ni Governor Robert Lyndon Barbers pinaagi sa lima ka adlaw nga kalihokan gisugdan kagahapong adlawa sa Provincial Gym.

An tema kuman na tuig amo an ”BANTAYOG NG KATATAGAN AT ANG PAGBUBUKLOD SA LAYUNING KAHANDAAN”.

Si Vice Governor Eddie “Geed” Gokiangkee Jr. an nanguna sa Ribbon Cutting ug short program kaiban si Board Member Kaiser Recabo Jr. isip Chairman sa Committee on Disaster Risk Reduction, Mitigation and Climate Change Adaptation.

Sumaya pa ni Vice Governor Eddie “Geed” Gokiangkee Jr. nga an isa ka buyan nga kalihokan amo an paghiusa sa komunidad alang sa pagpangandam ug kalig.on atol sa kalamidad.

An mga estudyante gikan Caraga Regional Science High School ug Surigao del Norte National High School misalmot sa competition bahin sa resilience exhibit nga may mga robotics mahitungod sa pag responde sa mga emergency nga diin ilang presentar an ilang mga imbensiyon ug nagpasabot kung uno nila paghimo.

Mitambong isab an Bureau of Fire Protection sa pagpanguna ni Chief Inspector Julius Daryl Bulatao nga nagpakita sa ilang kahanas nga gipangandam aron makapahigayon ug kaalam kung unhon pag dumaya sa sunog. Vc

An Provincial Disaster Risk Reduction and Management Office iban sa pakigtambayayong sa Bureau of Fire Protection, ug Department of Science and Technology alang sa pag abru sa maong selebrasyon.

Gidasig ni Cicero Cosme Tripoli an PDRRM Officer an mga Surigaonon nga suportahan an lima ka adlaw nga kalihokan ug saksihan an rescue olymoics nga may lain-lain nga category. (Mark James Lisondra)

Leave a Reply