General Santos: Halos P7-K kantidad sa ismagol nga yosi, naimbargo

0
17

General Santos City: TANGGONG na sa selda sa Calumpang Police Station sa GenSan ang usa 37-anyos nga lalaki human naimbargohan og ismagol nga sigarilyo. Sa rekord sa presinto, alas-8:20 sa buntag nasikop nila ang wala gipanganlang lalaki sa Purok Greenville, Barangay Calumpang. Nakumpiska sa posisyon sa dinakpan base sa rekord sa kapulisan mao ang 19 ka ream sa nagkadaiyang brand sa sigarilyo nga nagkantidad og P6,720. Matud ni Police Col. Nicomedes Olaivar Jr., director sa General Santos City Police Office (GSCPO) samtang nagpa-follow up sa gihimong imbestigasyon sa labing ulahing insidente sa Barangay Calumpang. Nakita sa kapulisan ang 37-anyos nga lalaking residente sa Purok Olarte, Barangay Labangal nang nagdula og gikadudahang bag. Pagtan-aw sa kapulisan didto na mibulaga kanila ang mga ream sa sigarilyo. Kasong pagsupak sa Republic Act 10863 an Act Modernizing the Customs and Tariffs Administration ang ipasaka sa dinakpan.

Leave a Reply