Gikumpirma mismo ni Davao City Mayor Sara Duterte-Carpio nga nagpositibo sa Coronavirus Disease (Covid-19) ang napulo ka mga repatriated Overseas Filipino Workers (OFW) nga nahiabot sa Davao International Airport (DIA).
Sa napulo ka mga indibiduwal, tulo gikan sa Bangladesh ug pito gikan sa United Arab Emirates.
Una nga nahiabot dinhi sa dakbayan sa dabaw ang 488 ka mga OFWs sa milabay’ng Domingo (July 25) kung asa 138 kanila gikan sa Dhaka, Bangladesh ug 350 usab ang gikan sa Dubai, UAE.
Subay niini, padayon nga gisiguro ni Mayor Sara ang pagpatuman sa istrikto nga health ug safety protocols alang sa mga OFWs ingon man sa mga Returning Overseas Filipinos (ROFs) sa tumong nga malikayan ang mga carrier sa mga variants of concern sa Covid-19 dinhi sa dakbayan.
(Source: Davao City Information Office)