General Santos City – Gilauman nang daan ni Gensan City Public Market Administrator Lito Esclamado ang pagdagsa sa daghang mga tawo sa Gensan City Public Market karong kapaskuhan.
Sumala niini nga sagad matag pasko daghan ang nagadayo sa Gensan city Public Market nga mga negusyante ug bisan na mga market goers.
Usa sa ilang gihan-ay mao ang mga sakyanan nga nagapark sa palibot sa mercado publiko aron nga dili makamugna ug traffic ingon man ang pagpanghinlo sa palibot niini.
Gibutyag usab ni Esclamado nga usa gyud sa ilang problema mao ang parking space sa Gensan City Public market.
Kini gumikan napalibutan ug mga dagkong buildings ug mga establishemento ang mercado publiko sa syudad.
Usa usab sa mga rason niini ang kagamay sa espasyo sa mercado sa syudad mao nga wala na halos kaparkingan ang mga sakyanan sa mga market goers.
Hinuon aduna na silay ginahimong lakang aron nga mahimong han-ay ang tanan sa Gensan City Public Market.
(Source: City Public Market Administrator Lito Esclamado)