Naligo sa kaugalingong dugo ang usa ka gwardya human gipusil patay sa wala matino nga suspetsado.
Ang pagpamusil nahitabo pasado alas 7:00 kagabii, Nobembre 30,2022, didto kini nahitabo sa Barangay Balud, Lungsod sa San Fernando, Probinsya sa Sugbo.
Ang biktima giila sa Kapulisan sa San Fernando Police Station nga si Dacay Degamo, hingkod ang panuigon ug nagtrabaho isip gwardya sa Universal Robina Corporation.
Matud ni PMAJ Timothy Jun Romanillos ang Hepe sa San Fernando Police Station nga gipusil sa makadaghang higahon ang biktima samtang kini naglakaw na maoy hinungdan sa iyang hinalaling kamatayon.
Dugang ni Romanillos nga daghan silang gisubay karon nga motibo sa krimin usa na niana ang iyang trabaho isip gwardya.
Sa pagkakaron aduna na silay Person of interest sa pagpusil patay ni Degamo. (Renante Lada)