Gitigbas patay ang usa ka individual diin namatay dayun ug ang usa anaa sa kritikal nga kondisyon human ang gikatahong pagpanikbas sa Sitio Dinginan, Linabo Peak, Barangay Lugdungan, Dipolog City, alas 3:00 ang takna hapon kaniadtong Hulyo 18 ning tuiga.
Ang biktima nailhan pangalan nga si Jayme De Loria hamtong ang pangidaron samtang ang suspek nailhan nga Garry Sanico igsuon ra sa asawa sa biktima.
Kahibaloan nga nag-inom pa kining mga biktima ug ang suspek diin ilang namatikdan nga kanunay nga gapalabtik ug dili maayo nga mga pulong din naka pa aghat sa suspek sa paghimo sa pagpanikbas.
Matud pa ang duha namalhin pa sa laing videokehan ang mga nasangpit aron sa pagtiwas ug inom, nanghulam ug sundang ang biktima hinungdan nga mikuha usab ug sundang ang suspek sa ilahang balay.
Tungod kay lango na sa ilimnong makahubog unang gitigbas sa biktima ang suspek nga napunting mismo iyang ulo.Ug mibalos usab sa pag tigbas ang suspek kung diin na igo kini sa lainlaing parte sa lawas sa biktima nga hinungdan sa iyahang hinanaling kamatayon.
Saysay pa sa asawa sa biktima sa magulang niyang suspek makadaghan na kining na preso sa susamang kaso ug matud pa niini nga kung ugaling aduna pay kini laing ma enkwento ipaniguro niya nga kini mapatay na gayud niya. (Angelica T. Obina)
(Source: PNP Dipolog)