Usa ka Fake news ang mikalat karon sa social media matud pa ni PLTCOL Edwin D. Verson, Hepe sa Dipolog City Police Sation, diin walay kamatuuran ang mikalat karon sa social media, nga matud pa adunay gikataho nga gi-kidnap sa Barangay Barra dinhi sa Syudad sa Dipolog, matud pa sa ilang gihimong Imbestigasyon.
Sigun pa ni PLTCOL. Verson nga kining mga ingon ani nga panghitabo dili lang kini ang unang higayon nga adunay pagkalat sa social media, nga gahatag ug kahadlok ug nakapaalarma sa katawhan ning dakbayan ilabina kadtong adunay mga anak nga gagmay pa nga nagtungha.
Ang kapolisan mihatag ug katin-awan nga gi-delete na sa Menor De Edad ang post sa Social Media diin gahatag lamang kinig pagtigaw ug alarma sa mga katawhan, ilabina kadtong mga ginikanan nga aduna pay nagtungha.
Mihatag ug mga pahimangno si PLTCOL. Verson sa tanang katawhan nga mabinantayon ug ugaling aduna silay makitang dili maayong lihok nga kadudahan dili lang nila e-post sa Social Media, deritso kini nilang itaho sa buhatan sa kapolisan o itawag man lang. (Angelica T. Obina)
(Source: Dipolog PNP)