Bigbigen ni Mr. Sandro Araneta Marcos iti dakkel a tulong ken saan a magatadan a panagserbi dagiti Barangay Health Workers ditoy probinsia.
Maipalagip a nagsarita ni Mr. Sandro Marcos iti maysa a tillaong a nagaterndaran dagiti Barangay health workers ditoy ciudad ti Laoag itay kallabes.
Nagyamanan ti ubing a Marcos dagitoy gapu iti dakkel a sakripisio da kadagiti kailian sipud nangrugi ti covid 19 itay napan a tawen agingga a paspasaren pay laeng iti pandemia.
Kuna na a dagiti Barangay Health Emergency Response Team ti maysa kadagiti kangrunaan a sumangsango iti laban kontra iti covid 19 ken mangprotproteher kadagiti kabarangayap da.
Kagiddan daytoy, nagyamanan met ni Mr. Sandro Marcos ni Laoag City Mayor Michael Keon ken dagiti kameng ti Sang. Panglungsod a mangkadkadua kenkuana kadagiti pagturturunganna a pangidandanonan iti tulong ken serbisio kadagiti kailian. (Ronald Domingo, RPN DZRL Batac Correspondent)
(Source: Provincial Government of Ilocos Norte)