Mr. and Ms. Coop Region 10 magtigi karon October 27

0
7

MAGTIGI sa ikaduhang hugna sa Mr. & Ms. Cooperative Region 10 ang unom ka mga kooperatiba sa rehiyon isip kabahin sa tinuig nga selebrasyon sa Coop Month sa bulan sa Oktubre.
Ang kagamhanang lokal sa Cagayan de Oro ubos sa administrasyon ni Mayor Rolando ‘Klarex’ Uy pinaagi sa Community Improvement Division – Cooperative Program ug sa Committee on Cooperative sa konseho pinangulohan ni Councilor Imee Rose Moreno, uban ang nagkadaiyang kooperatiba sa rehiyon, Regional Cooperative Development Council, Cooperative Development Authority hugot nga mipaluyo sa kalihukan sa kooperatiba.
Laraw sa Mr. & Ms. Coop R10 nga mapasigarbo ang talento, katakos ug adbokasiya sa matag representante sa coop aron mas mapakaylap ang kamahinungdanon sa coop diha sa komunidad.
Lakip sa misalmot sa Mr. & Ms. Coop ang CLIMBS Life and General Insurance Cooperative, First Community Cooperative, Oro Integrated Cooperative, Mambajao Multi-purpose Cooperative, A Brown Employees Credit Cooperative, ug MSU-IIT National Multi-purpose Cooperative.
Masaksihan ang coronation night nga ipahigayon sa University of Science and Technology of Southern Philippines gymnasium karong Oktubre 27 ning tuig.

 

News and photo courtesy of CIO CDO

Leave a Reply