33.8 C
Manila
Friday, March 29, 2024

Motorsiklo Mibangga Sa Concrete Kilometer Post

- Advertisement -

MOTORSIKLO MIBANGGA SA CONCRETE KILOMETER POST

Mibangga sa concrete kilometer post didto sa Sitio Happy Valley, Brgy. Osmeña, Dapa, Surigao del Norte ang itom ug puti nga XRM motorsiklo nga aduna’y Plate No. MS 20885 niadtong Sabado, Mayo 30 sa may alas 4:30 sa kabuntagon. Nadawat sa Dapa Municipal Police Station ang tawag ni PMSg. Hermes Arguillas sa General Luna Municipal Police Station bahin sa maong disgrasya.

Naila ang driver o biktima nga mao si GILBERT CEBO DUMAEL, 37 anyos, minyo ug lumulupyo sa P-1B, Brgy. Consuelo, General Luna, Surigao del Norte.

Sumala pa, nagdagan ang motorsiklo gikan sa Dapa paingon sa pinuy-anan sa biktima apan paghidangat sa mao nga sitio sa Dapa ang milagpas kini sa dalan ug mibangga sa konkreto nga poste hinungdan sa pagkadisgrasya diin nabali ang tuo nga paa sa driver o biktima ug nakaangkon kini ug multiple abrasion ug laceration sa tuo nga kilay.

Nasayran, nga ang maong driver ang ubos sa impluwensya sa ilimnong makahubog; wala magsuot ug helmet; wala’y driver’s license; ug naghupot ug expired na nga OR ug CR.

Sa pagkakaron, padayon pang mihimo ug dugang imbestigasyon ang kapulisan. (Jun Prex Salubre, Ronda 6 RPN DXKS)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -