Cagayan de Oro City – Gisugilon ni City Mayor Oscar Moreno sa syudad sa Cagayan de Oro nga iyang irekomendar ngadto sa Inter-Agency Task Force (IATF) alang sa status quo sa kasamtangang restrictions sa lihok sa publiko dinhi sa syudad ug sa entiro Northern Mindanao. Matud ni Moreno sa matag adlaw niyang press briefing nga dili angayan isalikway ang sitwasyon sa nagkalainlaing dapit sama sa Cagayan de Oro nga ang local cases sa Covid-19 misaka sa kapin 60%.
Sa gireport ni City Health Officer Dr. Lorraine Nery, ang syudad sa Cagayan de Oro nakarecord sa 25 ka bag-ong kaso diin 11 niini bag-o local index cases, 1 APOR o authorized person outside residence, 13 ang nalambigit nga mga tawo nga dunay exposure sa close contacts sa nakalabay nga mga kaso. Sa pinakaulahi nga numero, misaka na sa cumulative total sa COVID-19 cases ngadto sa 1,278 diin 374 niini ang mga active o ongoing cases sa pagkakaron.
Sa 374 ka active cases, 30 ang naa gipahimutang sa Northern Mindanao Medical Center o NMMC, 337 ang anaa sa temporary treatment and monitoring facilities sa syudad uban sa 7 ka mga returning kagay-anons.
Alayon niini nga kahimtang, si Mayor Moreno namahayag nga samtang wala siyay supak sa paglibkas sa national government sa restrictions sa mga biyahe sa mga lugar nga ubos sa modified general community quarantine o MGCG apan angay nga susihon pag-ayo ang pagbukas sa ekonomiya sa nasud samtang anaa pa kining pandemya, suma pa sa Mayor. (City Information Office)