Cebu City – Mikunhod pa ang mga aktibong kaso sa coronavirus disease o COVID-19 sa dakbayan sa Sugbo ngadto sa 197 kagahapon.
Atol sa press conference, si Mayor Edgardo Labella miingon nga tungod sa daghang naulian ug minos nga nataptan mihagsa ang active cases sa ubos sa 200.
Ang EOC o Emergency Operations Center naglaom nga motiurok pa ang mga kaso kon magpadayon ang trend sa mosunod nga mga semana.
Niadtong Okt. 21 o kagahapon, nakatala lang ang siyudad og pito gikan sa 973 ka tawo nga gi-test busa aduna lay positivity rate nga 0.7 percent.
Si Environment Secretary Roy Cimatu, ang giilang overseer sa Cebu IATF o Inter-Agency Task Force, miingon nga timaan kini sa recovery sa dakbayan ug kalamposan sa intervention sa IATF niadtong Hulyo.
Miduaw na usab sa Sugbo si Cimatu aron pagtan-aw sa kahimtang sa COVID-19 sa syudad tulo ka buwan gikan sa pagpaubos sa hard lockdown.
Matod ni Labella, ipadayon sa dakbayan ang pagpatuman sa basic health protocols ug miawhag sa publiko nga dili mokompyansa. (Jhon Tadlip/JTY, photo courtesy by Mayor Edgar Labella)
(Source: Cebu City Provincial Information Office)