33 C
Manila
Saturday, April 20, 2024

MOPJ GIPASIDUNGGAN ISIP TOP 10 MOST MANAGED PROVINCIAL JAIL SA PILIPINAS

- Advertisement -

GIHATAGAN og pasidungog sa Misamis Oriental Provincial Government sa pagpanguna ni Governor Bambi Emano ang buhatan sa Provincial Jail (MOPJ) human nalakip sa top 10 Most Managed Provincial Jail sa Pilipinas.

Ang pasidungog gitunol adlaw nga Lunes, Enero 25, 2021 dungan sa virtual nga pagpakayab sa nasudnong bandila sa Kapitolyo Provincial.

Pasalamat kini sa amahan sa lalawigan ngadto sa MOPJ gumikan sa dako nga dungog nga gidala sa lalawigan human anaa sa top 10 most managed provincial jail sa nasod.

Si Assistant Jail Warden Maricris Y. Mulat lakip sa gipasidunggan ni Gov. Bambi human usa sab sa Top 10 Most Outstanding Provincial Jail Employees sa tibuok nasod sa tuig 2020.

Kahinumduman nga ang maong kalampusan gi-award sa Provincial Jail Employees Association of the Philippines kon asa sakop ang tanan nga mga Provincial Jail sa tibuok Pilipinas dungan sa 3rd Founding Anniversary niini niadtong Disyembre 6, 2020.

Matud ni Assistant Warden Mulat, nga ang maong kalampusan resulta sa dakong suporta nga gihatag sa amahan sa lalawigan alang sa kaayuhan sa mga binilango sulod sa pasilidad.

“Kung wala si Gov. Bambi Emano dili gyud nato makab-ot nga mahimo tang Outstanding Jail, Outstanding Employee kay una sa tanan ang mga inmates sa Provincial Jail, wala sila nagproblema when it comes to pagkaon nila kay napakaon nato sila og insakto,” matud ni Mulat ug miingon nga nakasubay sab sa balaod ang pagdisiplina sa mga binilanggo nga mando ni Gov. Bambi.

“Ang pag disiplina pud sa ila nagsubay pud sa atong balaod, kana tungod kay mando ni Gov. Bambi nga kinahanglan i-handle atong mga piniriso nga maayo,” dugang ni Assistant Warden Mulat kon asa mapasalamaton og dako sa liderato ni Gov. Bambi.

Nasayran nga ang MOPJ wala maghatag og accomplishment report apan nakita lamang sa maong asosasyon ang kanindot sa mga programa ug aktibidades sulod sa pasilidad nga tumong lamang ang paghatag og kaayuhan ngadto sa mga piniriso.

“Kontento, satisfied na sila and then walay mga riots o mga kagubot diri sa Provincial Jail, basin mao na ilang nakita nga lahi compared sa uban nga Provincial Jail, hinungdan nga ang Misamis Oriental Provincial Jail ilang na recognize as one of the top 10 Provincial Jail in the entire Philippines.” pasabot pa ni Mulat.

“Siguro nakita pud nila, nga naa pud koy nahimo nga extra ordinary accomplishment nga ilang na recognize, ao tong nahatagan ta og certificate of recognition as one of the 10 most outstanding employees of the Provincial Jail in the Philippines.” panapos niini.

Ang pasidungog ug kalamboan sa lalawigan kalampusan sab sa liderato ni Governor Bambi Emano kay nagpamatoud kini nga walay pinili sa iyang gialagaran kay ang matag indibidwal gikan sa nagkalain-laing sektor bililhon ug angayan nga serbisyuhan. (PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -