General Santos City – Dungan sa nagkaduol nga pagsugat sa bag-ong tuig, mas gipahugtan pa karon sa General Santos City Police Office kon GSCPO ang monitoring batok sa illegal nga mga pabuto ug illegal fireworks.
Segun kang Police Col Nicomedez Olaivar Jr., PNP City Director sa GSCPO nga dapat likayan sa publiko ang pagpalit sa mga illegal nga pabuto kansa pelegroso sa posiblildad nga mabuthan.
Sumala sa opisyal nga hugot karon ang ilang monitoring sa mga nagabaligya og illegal nga pabuto sa syudad hilabina nga pipila nalang ka adlaw, sugaton na sa katawhan ang tuig 2024.
Nasayran nga naandan na sa mga Pilipino nga magpabuto panahon sa bag-ong tuig sa pagtuo nga maabog ang malas.
Panawagan sa opisyal nga ugaling dili malikyan ang pagpabuto dapat didto sa mga lehitimo nga mga baligyaan mamamlit tungod miagi kini sa lalom nga pagsuta.
Hinoon gikabutayag sa opisyal nga sa dakbayan sa GenSan wala pay natala nga nabuthan sa pabuto gikan niadtong pagsaulog sa pasko.
Naglaom usab ang opisyal nga unta walay matalang mabuthan sa mga pabuto ug mamahimong malinawon ang pagsugat sa bag-ong tuig 2024. (Rey Ombana)