Namahayag si PCOL. Rainier P. Diaz, Provincial Director sa Zamboanga del Norte Police Provincial Office (ZNPPO) mahitungod na sa pagtutok sa mga borders sa mga kasikbit nga lugar sama sa Zamboanga Sibugay, Zamboanga del Sur, aron daling masayran ang mga posibling lutsanan sa mga smuggled cigarettes, busa nakig-koordinate ang ZNPPO sa naasoy’ng lugar mahitungod sa mga posibling agianan dinhe sa probinsya.
Matud pa ni PD Diaz nga bag-ohay lamang na-obserbahan nga ang entry sa smuggled cigarettes sa tibuok probinsya ang kini nihunong na gumikan sa hugot nga operation nga gibuhat sa Zamboanga del Sur ug Zamboanga Sibugay diin mao kini ang alert status sa smuggled cigarettes.
Dugang saysay ni Col. Diaz ang resulta sa operation sa kapolisan nga adunay nagkinahanglan may kalabutan sa training sa mga kapolisan gumikan ang anti-smuggling operation adunay led agencies,ug dili ang kapolisan maoy led agency, sama sa anti-illegal drugs operation nga dunay led agency ug dili ang pulis.Busa mas maayo ang daghang kapasidad sa mga personahi sa kapolisan aron mas magmalampuson sa operation batok sa anti-smuggling, diin kagahapong adlawa nagmalampuson ang Orientation Seminar on Anti-Smuggling of Tobacco Products alang sa dugang kaalam ug kahibalo sa hustong pagpatuman sa Akta Republika No.10863 o mas nailang ‘An Act Modernizing the Customs and Tariff Administration’, lakip na ang Akta Republika No.8424 ‘An Act Amending the National Internal Revenue Code’, engun man ang Akta Republika 10643 o mas naila nga ‘An Act to Effectively Instill Health Consciousness through Graphic Health Warnings on Tobacco Products’.Gipasabot usab ni Atty.Bon Basil A Lambo,Provincial Legal Officer ang mahitungod sa Akta Republika 9211 o mas naila nga ‘Tobacco Regulation Act of 2003’.
Gihisgutan usab ni PD nga mikunhod ang crime index sa tibuok Zamboanga del Norte sama sa kasong pagpanglugos nga anaa sa 29 ang natala kumpara kaniadtong miaging tuig nga anaa sa 56 incidents of rape nga dunay 48.21% nga pagkunhod,lakip na ang kasong theft o pagpangawat nga dunay natala nga 28 incident of theft karong tuig,apan niadtong miaging tuig dunay natala nga 33 theft incident.Samtang sa kasong murder dunay natala nga 13 karong tuiga, apan sa niaging tuig dunay 16 murder incident, engun man sa homicide dunay 6 natala karong tuiga, apan niaging tuig dunay 7.Samtang sa carnapping mikunhod ug 50%. Dugang pa nga ang kaso nga dunay pagsaka sa focus crimes mao ang robbery, ug physical injury.
Sa katapusan gibutyag ni PD nga ang demand sa Zamboanga del Norte nagkagamay na lamang gumikan 8 percent nalang ang drug affected brgy, diin hugot ang operation sa kapolisan batok sa campaign against illegal drugs operation engun man aktibo ang kapolisan sa Brgy Drug clearing operations ubos sa Brgy Drug clearing Program sa Department of the Interior and Local Government (DILG).
Ang pagkunhod sa crime index sa Zamboanga del Norte anaa na lamang sa 10.76%, busa gibutyag ni Col Diaz nga mas malinawon ang Zamboanga Peninsula karong tuiga. (Angelica T. Obina)