Nadakpan sa Police Regional Office 10 (PRO10) ang 16-anyos nga lalaki nga suspek nga naghupot og smuggled nga sigarilyo atol sa checkpoint operation sa San Martin, Villanueva, Misamis Oriental.
Sa operasyon nga gipangulohan sa mga personahe sa 1st Provincial Mobile Force Company (PMFC) sa Misamis Oriental Provincial Police Office (MISOR PPO), ang menor de edad nga suspek nga nagmaneho sa itom nga Bajaj Kawasaki nga motorsiklo nga wala magsul-ob og helmet. Sa pagsusi, pakyas ang suspek sa pagpresentar og bisan unsang dokumento ug nasuta nga nagdala kini og 289 ka pakete sa smuggled nga sigarilyo nga mobalor og PhP11,560.00.
Nasakmit ang 89 ka pakete sa Cannon, 150 ka pakete sa Delta, 30 ka pakete sa Moderno, 20 ka pakete sa Nelsons, ug usa ka itom nga Bajaj Kawasaki nga motorsiklo nga adunay plate no. 090806.
Ang menor de edad anaa na sa kustodiya sa Municipal Social Welfare and Development Office alang sa diversion program. Ang mga nasakmit nga sigarilyo ug motorsiklo i-turnover sa Department of Trade and Industry (DTI) ning siyudad sa Cagayan de Oro alang sa tukmang disposasyon.