General Santos City – Si PBGEN ARNOLD P ARDIENTE, Officer-In-Charge, Police Regional Office 12 mihimo og command visit sa mga personnel sa General Santos City Police Office (GSCPO) sa Camp Fermin G Lira, General Santos City niadtong Nobyembre 28, 2024.
Gidawat siya ni PCOL NICOMEDES P OLAIVAR, JR., City Director, GSCPO.
Sa gitawag og “Talk to Men”, iyang gidut-an ang kamahinungdanon sa pagsunod sa mga direktiba sa Chief PNP: “Sa Bagong Pilipinas, Ang Gusto ng Pulis: Ligtas Ka,” nga nagpasiugda sa lawom nga pasalig sa organisasyon sa pagpanalipod sa matag Pilipino.
Dugang pa, gipahinumdoman usab niya ang mga police personnel sa ilang mahinungdanong mga katungdanan sa pagkab-ot sa misyon sa PNP, pagdasig kanila sa pagpangulo nga may propesyonalismo, integridad, ug kinasingkasing nga pasalig sa pagserbisyo sa katawhan. (Rem Agdon)
(Source: RPIO-PRO12)