Davao de Oro – Nataod na sa lokal nga panggamhanan sa Davao de Oro ang anaa sa kapin 67 ka mga tent aron temporaryong kapuy-an sa mga apektadong residente sa Zone 1, Barangay Masara, Maco, Davao de Oro.
Ang giingong mga tents nahimutang sa Quasi Parish, Barangay Elizalde, Maco, Davao de Oro kung asa mamahimong tulganan sa mga apektadong residente.
Kahinumduman nga gidonar ang maong tent sa Philippine Red Cross, inabagan sa Provincial Engineering Office, PDRRMO ug uban pang ahensya.
Sa karon, posibling madungagan pa ngadto sa usa ka gatos ka mga tents ang gipaspasan karon og lihok sa lgu aron largo na kining puy-an sa mga biktima. (Camille Santos Naraga)
(Source: Davao de Oro PDRRMO)