Mokabat sa 1,036 ka ream sa giingong smuggled nga sigarilyo ang nakumpiska sa mga otoridad sa Regional Border Control Point sa Barangay Campong, Pantar, Lanao del Norte.
Ang mga personahe sa 1005th MC, RMFB 10, nag-flag down sa duha ka Toyota Vios nga mga sakyanan, usa pula ug usa ka blue, alas 5:55 sa buntag. Sa pagsusi, lain-laing mga smuggled nga sigarilyo ang nakit-an sa sulod sa mga sakyanan. Ang pag-verify ug proseso sa imbentaryo natapos sa 8:55 AM.
Lakip sa nasakmit mao ang 400 ka ream sa Green New Far brand cigarettes, 186 reams sa Red New Berlin brand cigarettes, ug 400 reams sa Modern brand cigarettes. Ang kinatibuk-ang gibanabana nga market value sa mga nasakmit nga butang kay ₱82,880.00, base sa presyo sa Bureau of Customs.
ang mga dinakpan anaa na sa kustodiya sa Pantar MPS alang sa dugang legal nga disposasyon. Santang Ang mga nasakmit nga kontrabando ug mga sakyanan i-turn over sa Bureau of Customs, Iligan City.