Davao City – Pagabayran gihapon sa buhatan sa Philippine Health Insurance Corporation (PhilHealth) Davao Regional Office ang mga benepisyo nga angay ihatag sa mga pasyente bisan pa man kung naa sa emergency room ug sa mga tents naka-admit.
Gipaniguro ni Philhealth XI Information Officer Johanna Blason nga basta na-admit ang pasyente ug dili mo-ubos sa 24 oras, mahatagan gihapon kini sa benepisyo sa mga packages sa Philhealth basta duna kini gihuptang letter of justification kung nganong naa sila nabutang sa tent.
Dugang gibutyag ni Blason nga tibuok ug kumpleto gihapon ang benepsiyo sa pasyente depende sa ilang sakit. Ania usab ang mga benepisyo nga makuha sa COVID 19 patients:
Mild pneumonia – P43,997
Moderate Pneumonia – P143,267
Severe Pneumonia – P333,519
Critical Pneumonia – P783,384
(Source: Philhealth XI)