28.6 C
Manila
Friday, March 29, 2024

Mga Nasa Likod Kan Rally Kan Mga Para-Oma Sa Cam Sur Kakasuhan Nin Contempt, Mga Para-Oma Mahagad Man Nin TRO Sa Korte

- Advertisement -




Iriga City – Sadiri kan gobierno probinsyal an daga na planong tugdukan kan iconic capitol kan probinsya nin Camarines Sur.

Iyo man ini an nagin pahayag ni Gov. Migz Villafuerte, kontra sa pahayag kan mga para-oma asin soboot maysadiri nin daga sa banwaan kan Pili, na kan nagtalikod na aldaw nagkaigua kan saindang rally tanganing maulang an dumping nin daga sa mahiwas na kaomahan.

Tinaw’an nin duon kan gobernador na tinaw’an nin writ of possession sa daga an kapitolyo probinsyal susog naman sa desisyon kan RTC branch 32 petsado Enero 12, 2021.

Sinasabi pa sa orden na kaipuhan ng magharali an mga para-oma asin dagos na ining ibakante tanganing taw’anan nin buelo an konstruksyon na gigibohon kan gobierno probinsyal.

Inakusaran pa kan gobernador an mga nag-pekit kan nagtalikod na aldaw na bako man sinda an lehitimong maysadiri O kaya mismong para-oma na nagtatanom nin paroy sa subject na daga., imbes nadara sana sa tintar kan magkapirang politico na kontra sa gobernador.

Sinda alcalde Tomas Bongalonta Jr. asin dating kongresista Nonoy Andaya, an plano man na sangatan nin kasong contempt kan gobernador sa saindang ginibong pag-ulang sa proyekto asin pag-insinyar sa mga nag-pekit kan nagtalikod Martes.

Sa balyong lado, plano man na magsunad nin TRO kan mga apektadong para-oma sa RTC kan Pili, tanganing mapa-pondo an ginigibong pag-dumping kan gobierno probinsyal kan CamSur.

Sigun sa sainda, kaipuhan na magkaigua nin hustisya an mga saradit na para-oma na an pinaglalaoman sana iyo an pagtanom nin paroy.

Nasasayang man sinda sa tanom na paroy na yaon na sa amay na pagbuswak, alagad tinatambunan sana nin daga huli sa multi-milyon pesos na proyekto. (Melvin F. Barayoga, RPN DZKI Iriga OIC)

 

(Source: Interview with Gov. Migz Villafuerte, photo courtesy of Pasada Rinconada)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -