General Santos City – Sumala kang Poy Octavio, manager sa HIV Treatment Hub sa Royeca Hospital nga anaa sa DOH 12 ang kinatibuk-ang datus sa HIV cases sa dakbayan.
Anaa na sa 115 ang nagpositbo sa HIV Treatment Hub sa DR. JORGE P. Royeca Hospital Enero hangtud Oktubre ning kasamtangang tuig, kung itandi sa 144 HIV case niadtong tuig 2021.
Pag-angkon niya nga maka-alarma na gyud ang kaso sa HIV sa dakbayan gumikan nagkabata ang mga nagapositibo rason nga kinahanglan gyud nga mas pakusgan ang kampanya batok HIV ug mas tutukan ang sektor sa mga kabataan.
Dugang pamahayag ni Octavio nga luyo pa man sa nagkataas nga ihap sa HIV sa Gensan, siya nagtuo nga epektibo ang kampanya nga ginahimo sa gobyerno hilabina sa hisgutanang Early Detection para sa mas sayu nga treatment.
Sagad matud pa sa mga positibo sa HIV sa Gensan anaa sa edad 15 anyos ngadto na 34 anyos kung asa usa sa mga nakita nila nga rason mao ang sobra nga exposure sa social media o dili sakto nga paggamit niini.
Tungod matud pa sa mga dating app nga accessible sa mga kabataan, daghan ang na-engganyo sa dili luwas nga pakighilawas.
Kalabot niini, gibutyag ni Octavio nga ang mga nagpositibo gikan sa sector sa mga kabataan ang gilangkuban sa mga out of school youth, in school ug bisan na mga propesyunal.
Saysay niya nga gumikan sa nagkabata nga mga nagapositibo sa HIV gitugutan nga ang 15 anyos nga magpa-HIV test alang sa early detection.
Gawas sa personal nga pagbisita sa mga HIV Treatment Center, gina-promote na usab karon sa gobyerno ang self-testing sa HIV kung asa adunay ginahatag nga testing kits ga pwedeng himuon lang sa balay.
(Source: DOH 12)