Cagayan de Oro – MUABOT sa 28 ka mga empleyado sa City Hall ang mitapos sa 2-day occupational first aid training nga gipasiugda sa Community Affairs Office – City Volunteerism and Active Citizenship kauban ang Philippine Red Cross Misamis Oriental – Cagayan de Oro chapter, sugod Oktubre 5 hangtod 6 ning tuig.
Sigon ni Mr. Alain Roy Romero, focal person sa City Volunteerism and Active Citizenship nga kini pa lang ang unang batch sa pagbansay sanglit adunay ipahigayon nga ‘second batch’ karong bulan sa Disyembre atol sa kasaulogan sa National Volunteer Month 2023.
Sa unang adlaw, adunay lecture kabahin sa first aid ug unsaon pag-responde sa mga first hand emergencies, emergency management ug orientation sa Red Cross 143.
Sa ikaduhang adlaw, adunay skills demonstration ug return demonstration sa pagpahigayon og first aid atol sa pagresponde sa emerhensiya.
News and photo courtesy of CIO CDO