General Santos City – Alayon sa mas gipakusgan nga kampanya sa Gensan City Police Office batok illegal nga pabuto, ubay-ubayng mga illegal fire crackers ang nakumpiska sa kapulisan sa pagpanguna ni PCOL NICOMEDES P OLAIVAR JR, City Director kauban sa mga personahe sa CIU-GSCPO, City Mobile Force Company ug Police Station atol sa ilang gihimong inspection sa mga tindahan ug fire crackers sa syudad.
Ang mga nakumpiskang illegal nga firecrackers gilangkuban sa
• 5 pcs Dream Light 1000 rounds Judas belt,
• 20 pcs M.S. Farinas 500 rounds Judas belt,
• 18 pcs M.S. Farinas 250 rounds Judas belt,
• 39 pcs M.S. Farinas 100 rounds Judas belt,
• 7 reams Pacquiao-Ultraman “Picolo” (10 packs per ream), and
• 11 reams M.S. Farinas Five Star (10 packs per ream)
Pakyas matud pang makapresentar ug mga dokumento ang mga namaligya sa maong mga firecrackers, maong kini gikumpiska sa kapulisan.
Gibana-banaang anaa sa Php150,000.00 ang kantidad sa maong mga firecrackers kansa anaa karon sa kustudiya sa GSCPO alang sa proper disposition, samtang gikatakda usab nga gub-on ang maong mga pabuto karong December 31, 2023.
Atol sa gihimong press conference, gibutyag ni PCOL Nicomedes olaivar nga ang gihimo nilang Pagkumpiska sa mga gidili nga pabuto ang usa ka pamaagi aron nga masiguro ang kaluwasan sa publiko dungan sa pagsugat sa bag-ong tuig.
Dugang pa niini nga mahinungdanon nga mapugngan ang mga insidente sama sa stray bullets, illegal discharge of firearms, ingon man ang sunog mugna sa pabuto mao nga mas gipahugtan pa sa GSCPO ang ilang pagpatrolya ingon man monitoring efforts. (Rey Ombana)