Cebu City – Na account na sa Armed Forces of the Philippines ang tanang 96 ka mga sakay, nga naglakip sa piloto, crew ug sakop sa army nga sakay sa nahagsa nga C-130 H transport Aircraft sa Philippine Air Force, alas 11:30 sa buntag sa Barangay Bangkal, Patikul, Sulu, Domingo, Hulyo 4, 2021.
Lakip sa mga crew si SSgt. Jan Niel Y. Macapaz, 38 anyos, minyo, taga Matumbo, Pusok, Lapu-Lapu City, pero nanimoyo na sa Barangay Basak, sa maong syudad.
Usa ka netizen gamit ang Darius Darius nga FB, miangkon nga iyang igsoon si SSgt. Jan Niel Y. Macapaz, 38 anyos, sakop sa Philippine Airforce ang sakay maong eroplano.
Matod ni Darius nga nabalaka na kaayo ang ilang pamilya, gani nagsige nag hilak ang ilang inahan.
Gisaysay ni Darius nga basi sa latest update nga nakuha sa iyang sister-in-law (asawa ni Jan Niel) , nalakip si Macapaz sa badly injured, pero matod pa kinahanglan pa nila nga ma kompirma kung injured ba gyud.
Si Macapaz dunay duha ka anak-usa ka babay ug usa ka lalake.
Nahuman siya sa iyang training niadtong tuig 2009.
“Dugay dugay na. Mga 8 or 9 months na last namo kita, kay lagyo naman gud me ug gipoy-an, ang siya naa sa Deca Homes
Basak, nya ako naa nako puyo sa Basak San Nicolas sukad 2010,” matod ni Darius, igsoon ni SSgt. Macapaz.
Matod sa taga Department of National Defense nga 51 ang patay- sa maong gidaghanon 48 ang military personnel ug 3 ka mga civilian “on the ground” ang nalakip, ug dunay upat ka civilian ang injured.
Dunay 48 nga na injured, lakip sa na injured ang 18 nga na confine sa 11ID hospital samtang ang 32 gidala sa Zamboanga.
Matod sa Joint Task Force Sulu nga dunay pipila nga nakit-ang naka ambak gawas sa eroplano sa wa pa kini mahagsa.
Matod pa nga sagad sa mga pasahero mga trainees gikan sa 4th Infantry Division sa Cagayan de Oro City.
(Jhon Tadlip /JTY)
(News & photo courtesy of Secretary of National Defense | Joint Task Force Sulu | Darius Darius Facebook account)