Baao, CamSur — Temporaryong kinansilar ngunian kan local na gobierno kan Baao an gabos na aktibidad na may koneksyon sa nagraraning pintakasi kan banwaan ngunian na bulan na Agosto.
Ini katakod naman kan ginibong meeting kan Municipal Health Board kaiba an representante kan Department of Health na nagsabing an banwaan kaiba sa high-risk areas sa covid-19, kasabay an mga banwaan kan Bula asin San Fernando.
Katakod kaini, imbes na mga aktibidad katakod kan Pintakasi pinagmaray na mas magin estrikto sa pagpapa-utob kan minimum health standard susog sa inaprobaran na ordinansa kan banwaan asin probinsya.
Katakod kaini, nangapudan ngunian an IMT sa gabos na barangay na magin estrikto sa pagbabawal sa mga menor de edad na magparaluwas, pagsupong nin face mask asin face shield asin higot naman na ibinabawal an ano man na mass gatherings O tiripon na sobra sa minimum na numero. (Melvin F. Barayoga, RPN DZKI Iriga OIC)