CAGAYAN DE ORO CITY- Ginadili na pagsulod sa mga merkado publiko ang mga senior citizens ug mga bata subay sa pagpatuman sa gabayan aron nga mapakgang ang pagkuyanap sa Covid-19 dinhi sa dakbayan sa Cagayan de Oro. Gawas niini, gisugilon ni konsehal Ian Mark Nacaya, ang overseer sa City Economic Enterprise Department o CEED nga gipatuman usab nila ang “No mask, No entry” sud sa maong mga merkado.
Alang sa mga senior citizens nga adunay paliton sa merkado, ang buhatan na sa CEED maoy moatiman niini sa pagpalit. Bale, matud ni Nacaya, dugang serbisyo kini sa maong opisina nga ilang gitunol niining panahona.
Nasayran nga matag 7:00 sa gabii hangtud alas 5:00 sa buntag sirado ang kamerkaduhan alang sa disinfection ug nga sa ingon wala nay magtambay niini.