Patay na kining napalgan ang usa ka menor de edad human kining nahulog sa suba sa Purok Buli, Barangay Minaog, Dipolog City sa may alas may 12:00 sa udto kapin kun kulang, pinaagi sa gipahigayong Search and Rescue Operation sa mga kawani sa CDRRMO, Philippine Coastguard ug uban pang mga Volunteers para lang makita ang maong bata.
Kahibaloan matud pa sa mga nakasaksi nagdula pa kining mga menor de edad sa nasangpit nga lugar, diin wa damha aksidente kining nahagbong sa maong suba ug wa dayun kini nakita pa.
Matud pa gikan sa iyang pagkahulog sa suba taudtaud pa kining nakita mga duha ka oras ng nakalabay gikan sa pagkahulog ayha pa napalgan sa mga rescuers ang biktima diin nakabsan na kini sa hinulamang kinabuhi.
Ang hingtundan buhatan sa CDRRMO ug mga otoridad gahatag ug pamahayag isip pahimangno ngadto sa mga ginikanan nga importante ang seguridad sa mga anak ilabina kadtong mga balay nga anaa nagpuyo sa daplin sa baybay ug suba bantayan ug dili pasagdaan nga magdula daplin sa suba aron mahalikay sa aksidente. (Angelica T. Obina)
(Source: PDRRMO)