Malampusong napahigayon ang usa ka Simultaneous Signing of Memorandum of Agreement (MOA) sulod sa buhatan sa Bjmp Dipolog City Jail Male Dormitory, Oktubre 25, 2024.
Ang maong kalihokan ubos sa pagdumala ug pagpangulo ni Jail Chief Inspector MANUEL U. CALIBO, Warden,ug inabagan ni SJO2 Llara G Ortiz, Chief Unit Welfare and Development ug gitambungan nila ni Pastor Prudencio M. Diosmano, G. Edelburgo “Bebs” Cheng gikan sa Hour of Grace, ug Ms. Normelinda Merlyn O. Madera, uban ni G. Elso J. Enero, mga representante gikan sa Diocese of Dipolog.
Kini nga panagtigom nagsilbi nga usa ka yawe nga higayon aron mapalambo ang kolaborasyon tali sa pasilidad ug sa mga akreditado nga service provider.
Usa kini ka kasabutan nga naglambigit sa pagsumite sa mga bag-ong aplikasyon ug ang pagbag-o sa akreditasyon alang sa mga service provider, tanan inubanan sa National Correctional Consciousness Week Celebration 2024.
Nagtipik kini sa kamahinungdanon sa tawhanon nga pagtratar, responsable nga pagpangulo, ug makanunayon nga mga prinsipyo sa pagpasiugda sa progresibo ug episyente nga serbisyo sulod sa bilanggoan. (Medalyn U. Borja)
(Source: Bjmp Dipolog City Jail Male Dormitory)