Media Practitioner, DavNor PIO Mitanyag Ug 100K Nga Ganti Batuk Sa Makatudlo Sa Mipusil Kaniya

Media Practitioner, DavNor PIO Mitanyag Ug 100K Nga Ganti Batuk Sa Makatudlo Sa Mipusil Kaniya

by RPN
0 comment 38 views

DAVAO CITY-    Luwas na sa kamatayun ang 54 anyos nga si Paterno “Pat LUCERO” Pacquiao, residente sa Purok White Dove, Brgy. Visayan Tagum City Davao Del Norte, tag iya sa 99.9 RP Fm Radio Station ug kasamtangang PG Department Head-PICKMO. Kini human gipusil gamit ang calibre 45 pistola sa wala mailhing mga suspetsado, alas 7:45 sa buntag niadtong October 11 kasamtangang tuig.

Sumala pa ni Noel QUIDILLA, media practitioner, naka convoy ug testigo sa nahitabo. Matud pa, ang biktima gikan kini sa gipanag-iyahang radio station ug kadyot mipauli sa iyang panimalay sa nahisgutang dapit arun kuhaan ug hulagway ang iyang ibaligyaay nga balay.

Ang biktima sakay sa iyang gimanihong Eco Sports White vehicle dihang kalit lamang kining gipusil sa riding in tandem nga mga lalaking naka kalo ug nagtabon sa ilang mga nawong.

Sanglit kalit kaau ang panghitabo, nakahimo sa pag irog sa iyang lingkuranan ug nihapa ang biktima hinungdan nga naka angkon kini ug samad pinusilan sa tuong bahin sa iyang likod.

Sa pagtuong patay na ang biktima, daling mikagiw ang mga suspetsado sa wala matinung direksyon. Layong miadto ang biktima sa Medical Mission Group Hospital, Tagum City aron matambalan.

Gikasubo sa Media Groups ang maong panghitabo sanglit ge-celebrar ang 11th PRESS FREEDOM MONTH sa DavNor. Gani, karong adlawa, October 11 ala 1:00 sa hapon pagahimuon ang Media Fun Shoot sa Sto. Tomas diin si Pacquiao maoy natahasan sa pag welcome sa mga bisita ug participante.

Giangkon sab sa biktima nga aduna siyay mga naligsan nga mga personahe sa iyang programa sa radio isip magsisibya Padayun pa ang lalom nga imbistigasyon sa Tagum City PNP sa tumong sa maong pagpamusil.

Aron nga daling masikop ang wala pa mailhing suspek, naghayag karon si Pat Lucero Pacquiao ug usa ka gatos ka libo (100,000) pesos nga ganti sa bisan kinsa nga makatudlo sa tao nga buot mopatay kaniya. Ang nahisgutang kantidad kabahin lamang sa tabang nga gihanyag usab ni Senior Board member Arturo T. Uy kinsa dugay nang higala usab ni Lucero.

0 comment

Related Posts