Malipayong gidawat ni City Mayor Darel Dexter T. Uy ang “Certificate of Appreciation” nga gihatag sa Zamboanga del Norte Provincial Police Office (ZNPPO) isip paghatag og pag-ila ug pasalamat ngadto sa batan-ong mayor sa iyang walay hunong nga pagsuporta ug kontribusyon ngadto sa mga programa nga gipangunahan sa ZNPPO atol sa gipahigayon nga “26th Police Community Relations Month Culmination” uban sa tema’ng “Pulisya at Pamayanan, BARANGAYanihan sa Hamon ng Pandemya at Laban sa Krimen” kaniadtong Hulyo 30, adlaw’ng Biyernes, ning tuiga didto sa ZNPPO, Camp Hamac, Brgy. Sicayab, ning dakbayan sa may alas-4:00 ang takna sa hapon.
Ang maong kalihokan ang gitambongan nila ni City Mayor Darel Dexter T. Uy, kinsa mipabati sa iyang madasigong mensahe isip “Guest of Honor ug Speaker” ug midawat usab sa “Plaque of Appreciation” atol sa nasangpit nga okasyon, OIC Police Community Affairs Development Unit (PCADU), PMAJ Robert E. Agda, Deputy Provincial Director for Administration, PLTCOL Jaime N. Barrero, kinsa mipabati sa iyang “welcome remarks”, Acting Provincial Director PCOL Giovanni Hycenth H. Caliao, kinsa mihimo sa paghatag sa mga token, ug ang mga miyembro sa kapolisan nga naglangkob sa ZNPPO.
Tipik sa mensahe ni Mayor Uy ang iyang dakong pagpasalamat ngadto sa kapolisan sa ilang wala’y katapusan nga pagpaningkamot ug serbisyo nga masiguro ang kaayohan sa katawhan taliwala sa nagpadayon nga pandemya.
Lakip usab sa nakadawat sa “Certificate of Appreciation” mao ang sumusunod:
- Best City Police Station in Operational Level
- Dipolog City Police Station
- Best Muncipal Police Station in Operational Level
- Sindangan Municipal Police Station
- Best Police Mobile Force Company (PMFC) in Operational Level
- Zamboanga del Norte 1st Police Mobile Force Company
- KKDAT Katipunan Chapter, ZN
- Ms. Preza T. Yurong – President, KKDAT Katipunan Chapter, ZN
- PCPL Sheene B. Dumapig – MCAD PNCO, Katipunan MPS
- NUP Rose Marie B. Baliquig – Admin Assistant I/Crime Registrar, Katipunan MPS
Alang sa “Certificate of Recognition”, nasayran nga ang sumusunod ang nakadawat sa maong pasidungog:
- Dapitan City Police Station – Best City Police Station in Operational Level
- PMAJ Nestor M. Gania Jr. – Best Police Commissioned Officer (PCO)
- PSSg Ivel I. Pielago – Best Police Non-Commissioned Officer (PNCO)
- PSSg Jarel A. Daquipil – Best Police Non-Commissioned Officer (PNCO)
Natapos ang maong kalihokan pinaagi sa pagkanta sa “Philippine National Police Hymn” ug pagkuha’g mga hulagway sa mga “awardees”.
(News and photo courtesy of CITY INFORMATION OFFICE, DIPOLOG CITY GOVERNMENT Facebook page)