Ginotigot ni Mayor Eddi Guillen iti Piddig Ilocos Norte a dagiti dadduma pay a COVID-19 positive nga iparangarang da met ti kinasiasinno da tapno ti kasta ket nalaklaka a malapdan ti panagwaras ti corona virus.
Kuna ni Guillen a dayawen na met ti inaramid ni konsehal Dexter Yapo a nangipudno iti publiko nga isuna ket nagpositibo ti covid-19 ken nasken kuma a tuladen dagiti dadduma pay a COVID-19 positive.
Idi laeng kalman ket nailistan ti Piddig ti maikatlo a Covid-19 Positive ni IN-C100 ken maikasangagasut iti entero a probinsya ti Ilocos Norte.
(OIC Rodrigo G. Sadian, RPN DZRL Batac)
           Â
(Source: LGU – Piddig Ilocos Norte)