Dumipensa si Presidential Daughter at Davao City Mayor Sara Duterte – Carpio sa inilabas na datos ng pambansang pulisya.
Ito’y kasunod ng pagkakatala ng Davao City na may pinakamataas na antas ng kaso ng panggagahasa o rape sa ikalawang bahagi ng taong ito.
Ayon sa Alkalde, mas mababa pa nga ang kaso ng rape na naitala ngayong taon na nasa 89 kumpara noong isang taon na may 132.
Ipinagmalaki pa ng alkalde, masidhi ang ginagawa nilang information drive lalo na sa mga babae hinggil sa epektong dulot ng rape sa kanila at kung paano nila ito malalabanan.