Cagayan de Oro – Gipahalipayan ni City Mayor Rolando ‘Klarex’ Uy ang mga kadagkoan ug kawani sa Oro Youth Development Office ubos sa pagpangulo ni OYDO Officer Lord Saver Centina human kini napili isip usa sa Top 10 Outstanding Local Youth Dev’t Office sa tibook nasud.
Ang maong pasidungog gitunol atol sa “Galing ng Kabataang Pinoy Awards” niadtong Agosto 12, 2024 nunot sa kasaulogan sa “International Youth Day” nga gipahigayon sa Boracay Newcoast Convention Center sa Boracay Island, Malay, Aklan.
Ang kadungganan nga naangkon sa Oro Youth Development Office usa ka tiunay nga pag-ila sa panglimbasog ug paningkamot sa buhatan diha sa pagtuman sa ilang misyon alang sa kaarangan ug kaayohan sa mga kabatan-onan sa syudad sa Cagayan de Oro, pamahayag ni Mayor Klarex.
News and photo by RADYO RONDA CDO NEWS TEAM