Usa ka malipayon nga adlaw karon sa lalawigan sa Misamis Oriental tunggod kay 25 ka mga pares gikan sa manag lahing parte sa Misamis Oriental ang nag binaylo-ay ug I DO’s sa luag ug hamugaway nga Villanueva Gymnasium.
Sa pag pangulo ni Mayor Jennie Uy-Mendez ug Congresswoman Juliette Uy 25 ka mga pares gikan Balingoan, Talisayan, Medina, Lugait, Villanueva, Libertad ug uban pa ang naka angkon ug libreng kasal sa lungsod sa Villanueva kung aha libre nga gown, cake, wine, wedding ring, transportation ug daghan pa ang ilang nadawat.
Dinhe na bati sa mga couple nga espesyal sila tunggod kay sa maong occasion ang ilang nahimong mga principal sponsor ang mga tinahod ug kugihan nga public servant sama nila Congresswoman Juliette Uy, Board Member Jerry Khu, Board Member Jessa Mugot, Vice Mayor Edwin Dagasuhan, SB Member Disodado Balhon, SB Member Nilo Belgado, SB Member Jovenil Jabiniao, former Vice Governor Joey Pelaez ug Atty Angel Lim.
Mismong si Mayor Jennie Uy-Mendez ang nag officiate sa maong ‘KASALAN NG MIS.OR” kung aha nag bilin siya ug bilihon nga tambang sa mga bag-ong kinasal nga lig-onon ang relasyon sa Ginoo para mamahimo kining giya sa maayong pamuyo ug pamilya.
Ang maong kalihokan gi isip sa lungsod nga pag share sa gasa nga nadawat niini sulod sa 59 ka tuig nga kini nahimugso. Gi siguro sad nga natuman ang health and safety protocol sa tibook selebrasyon sa maong programa. (LGU)