Huli sa kaipuhan na maitao an government services sa gabos na namamanwaan lalo na sa mga Indigenous People, an LGU Iriga sa pamamayo ni Mayor Rex Cuba Oliva kaibanan an Multi-awarded Local Civil Registry Office, sa irarom ni Ms. Nancy Occiano ginibo an Four-in-One Delivery of Basic services sa Fatima Integrated Farm School Inc., San Pedro, Iriga City kan Disyembre 27, 2022. An nasabi nang aktibidad inapod na Tribal Festival para maitao an apat na essential services arog kan Mobile Birth Registration, Philsys Registration, Mass Wedding asin Gift Giving sa Tribal Brother and Sister sa Mary Hill Tribal Settlement.
Sa primerong parti kan okasyon an Mass Wedding na pinagenotan mismo ni Mayor Rex Oliva kun saen ini nakapalaman mismo sa power and Duties sa irarom kan Section 444 of the Republic Act 7160 or the Local Government Code. 17ng mag-aragom pigdiklarang officially married mantang tinawan man nin tig-sararong sakong bagas asin cash gift hali sa lokal na gobierno kan iriga.
Pigsundan kan Mobile Registration na 16ng na persona an nag-parehistro kabali man an 20ng nag-avail sa Philsys Registration, sering man sa ikaduwang pagkakataon nagka-igua man nin gift giving o atang sa paagi nin pagtao kan mga school supplies, hygien kit asin pagkakan sa 140 mga ka-akian.
Mientrastanto si Gobernor Luigi Villafuerte asin an probinsyal Government nag-paabot man nin pakikisumaro asin suporta sa 4-1-event kun saen nagpadara man nin food packs sa 300 na persona mantang an Sangguniang Panglunsod man kan Iriga nagtao nin Lechon sa nasabi nang okasyon. Â (JV Navarro Verdeflor Jr., photo credits to the owner)