General Santos City – Naluwas ra sa katagman ang usa ka mananagat human kini na-rescue sa mga personahe sa Maritime Police- Gensan bag-ohay pa lamang.
Ang gi-rescue nga mangingisda, gi-ila nga si Cornello Cabreros, residente sa Maasim, Sarangani Province.
Asoy niini, samtang siya nangisda sa kadagatan sa Brgy. Kamanga, Maasim, kalit lang mikuso-kuso ang unos uban sa dagkung mga balud hangtud gipad-pad ang gisakyan niining bangka sa bato-on nga bahin sa dagat.
Dali nga mi-abot sa lugar sila Pat Norudin, Pat Norudin Ali, Pat Marvin Balatian, Pat Fer Jhon Bernardo ug Pat Edward Fuertes sakay sa rubber boat sa Maritime PNP ug gibira nila ang bangka gikan sa batoon nga bahin sa dagat ug giguyod kini sa luwas nga lugar.
Ang maong mananagat anaa na karon sa luwas nga kahimtang. (Rem Agdon)