Nagpabilin nga ASF-free walay natalang kaso sa African Swine Fever ang MaKiMa area: ang Maasim, Kiamba ug Maitum, bisan na ang Malapatan, Sarangani Province. Kini karon ang gibutyag sa Sarangani Provincial Veterinary Office sa opisina ni Doctor Bernard Cababat.
Sa kasamtangan, wala nay natalang dili normal nga pagluya o kamatay sa mga binuhing baboy hilabi na sa lungsod sa Glan, apan padayon gihapon ang monitoring. Sayod man ang tanan nga ang sinugdanan sa outbreak sa ASF sa Mindanao mao mismo ang probinsya sa Davao Occidental nga katapad lang sa Glan.
Ang Singko Mil ka pesos (₱ 5K) nga ayuda matag lutas nga baboy nga gipang-culling ang pasiunang tabang lang nila Glan Mayor Vivien Yap ug Governor Steve Chiongbian Solon. Sunod tuig, musunod ayuda ang Department of Agriculture. (Provincial Information Office – Sarangani)
