Gipamusil patay ang mag live in samtang nahinanok sa pagkatulog ang duruha sa ilang panimalay.Patay ang babayeng ka live in samtang ang lalaki anaa karon sa Corazon Aquino Hospital. Nahitabo kini mga alas 3:00 kapin kun kulang sa kadlawon didto sa Barangay Barra, Dipolog City.
Ang mga biktima nailhan sa pangalan nga Melessa Oncalan Omboy, nakabsan gayud sa hinulaman niyang kinabuhi diin naigo kini sa likod nga bahin sa iyang liog samtang ang yang ka live-in nga si Leonardo Bacatan Cabrera ang anaa na karon sa Corazon Aquino Hospital nga adunay igo sa parte sa iyang dughan, nga matud pa sa anak sa babaye nga ang ilang step father nga si Leonardo naningkamot ug panawag ug tabang para sila maluwas sa ilang kahimtang.Ang duruha anaa na sa mga hingkud ang pangidaron ug nanimuyo sa nahisgutang dapit.
Saysay sa mga silingan nga nakadungog sila duha ka buto sa pusil didto mismo sa panimalay sa mag live-in anang kadlawon pa hinungdan nga ila kining gisubay dayun ug nanawag sila ug mu responde sa duruha.
Matud pa nga ang paningabuhian sa duruha ka biktima kini muadto sila ug adunay mga haya nga patay dinhi sa Dipolog City para mag Badrak. Ang pamilya nanawagan karon ug hustisya kung sikinsa man gani ang responsabling mamumuno sa duruha nga hantud karon wa pa matino kung kinsa man gani ang responsable sa krimen.
Ang mga kapolisan way undang sa pagpadayun karon ug pag imbestiga sa tinubdan sa maong panghitabo sa duruha ka biktima. (Angelica T. Obina)
(Source. Dipolog Police Station)