Nagkasundo ang mga lokal na opisyal ng Lungsod ng Baguio na gawin na lamang ang Mid-Autumn Festival sa lungsod at magtalaga ng alituntunin para sa pagsagawa ng taunang pagtitipon.
Sa ilalim ng city Ordinance No. 90, series of 2023, ang Lungsod ng Baguio ay opisyal na ipagdiriwang ang taunang Autumn Festival sa ika 15th day ng ika 8th buwan ng Lunar Calendar kasabay ng pagbilog ng buwan o sa petsa na ilalaan ng Mid-Autumn Festival executive committee. Ang Mid-Autumn Festival executive committee ay magsisilbi bilang steering committee upang masiguro ang tagumpay ng naturang festival. Ito ay pamumunuan ng City Mayor at magiging co -chairman ay ang City Administrator na may katuwang siyang kinatawan mula sa Association of Baguio Chinese-Filipino Youth, Inc. bilang action officer.
Ang mga miyembro ng committee ay ang Chairperson ng Council Committee sa Tourism, Special Events, Parks at Playgrounds, City Engineer, City Environment at Parks Management Officer at ang City Tourism Officer.
Ang inalalaan na lugar para sa Mid-Autumn Festival ay ang Session Road bilang central location sa mga gawain kasama dito ang pagtatanghal pangkultura, tindahan ng pagkain at ng pangpamilyang gawain.
(Joel Cervantes | Jimmy Bernabe, photo courtesy of Baguio City Information Office)
