Malipayong gibansiwag sa social media pinaagi sa iyang mga higala sanan kalumunan an kadungganan nga naangkon ni Police Lieutenant Colonel Rudy Laugo Elandag na taga Socorro, Surigao del Norte human kini mi-graduate isip Top 3 sa highest mandatory schooling sa kapulisan nga mao ang Public Safety Officers Senior Executive Course (PSOSEC). Milungtad sa napuyo ka buyan an schooling na tag-intrahan nan 48 ka mga opisyales gikan sa PNP, BJMP, BFP sanan Philippine Coast Guard. Ini na kurso isa sa major requirements para sa promotion sa ranggo na Police Colonel hangtud sa Police General.
Gawas sa top 3 na may final grade na 94.792, nag-number 1 isab sija sa Best Action
Research na may grado na 94.6 sanan Top 1 sa Comprehensive Examination na may grado na 94.
Si Lt. Col. Elandag isa ka PNPA Sinaglaya Class graduate niadtong 2002, scholar sa Civil Service Commission sa iyang Master of Public Administration, scholar isab sa Development Academy of the Philippines sa iyang Diploma in Development Management sanan holder sa Career Executive Service Eligibility (CESE) sa mga 3rd level officers sa kagamhanan. (RPN DXKS Surigao)