Cebu City – Gitakda nga moluwat ug show-cause order ang Land Transportation Franchising and Regulatory Board ( LTFRB) 7 ngadto sa operator sa bus company sa southern Cebu, kansang unit gi-flagged sa Talisay City Traffic Personnel, Agosto 2, 2021.
Matod ni LTFRB 7 Director Eduardo Montealto nga ang pampasaherong minibus na intercept sa N. Bacalso Avenue, Barangay Bulacao, pasado alas 6 sa buntag, gumikan sa overloading ug gi ingong kalapasan sa IATF guidelines ug safety protocols.
Sigon pa sa Traffic authorities sa Syudad sa Talisay nga ang maong kaso gi-indusar ngadto kang Director Montealto.
Makita sa hulagway nga gi post sa City of Talisay Traffic Operations and Development Authority (CT-TODA) nga napuno ug naghoot ang mga pasahero sud sa maong bus.
Sa maong post makita ang mga sakay nga sama sa naa sa normal nga panahon nga wala butangi ug barrier o one seat apart nga mag uwang sa mga pasahero.
Unang gipahibaw sa LTFRB 7 nga way kausaban o pagpa menos sa gidaghanon sa mga bus o PUJ nga ilang gipa byahe ubos sa bag-ong quarantine classification.
Ang lalawigan sa Sugbo anaa sa ‘GCQ with heightened restrictions’ samtang ang mga syudad sa Sugbo, Mandaue ug Lapu-Lapu ubos kini sa Modified Enhanced Community Quarantine classification. (Jhon Tadlip)
(News & photos courtesy of City of Talisay Traffic Operations and Development Authority | LTFRB 7)