Nakatakdang pulungon sa General Santos City government ang nagkadaiyang local artists ug mga banda sa siyudad, aron makuha ang suporta sa mga niini sa pagpatuman sa minimum health standards taliwala sa padayong bahad sa Covid-19.
Matod pa ni GenSan City Mayor Ronnel Rivera, dako ang matabang sa maong sektor aron masiguro nga istriktong mapatuman ang health protocol sa mga social gatherings, sama sa birthday, events ug uban pang mga panagtigom.
Gipaklaro usab ni Rivera nga ginatugutan sa National-IATF ang pagpahigayon og mass gatherings sa mga MGCQ areas sama sa GenSan, sa kondisyon nga mapatuman ang gitakdang anti-Covid measures.
Karong adlawa Biyernes, gilauman nga ipahigayon ang maong pulong sa LGU ug local artists sa siyudad.
“Dapat ma-meeting gyud sila nga part gyud sila sa implementation sa protocol,” ang tipik sa pamahayag ni Rivera. (John Rey Somido)