Gilusad sa kagamhanan ning syudad ang ‘Project HOPE’ kon Honest Opportunities for Philippine Entrepreneurs, Septiyembre 7, diha sa City Tourism Hall, kauban si National Director Project Hope for Northern Mindanao Jared Lance L. De Paz.
Ang ‘Project HOPE’ usa ka social enterprise nga maghatag og libreng livelihood program alang sa mga gagmay’ng negosyante ning syudad.
Gilaumang 250 ka mga entrepreneurs nga gilangkoban sa mga miyembro sa solo parents, kababayinhan, senior citizens ug LGBTQ community gikan sa nagkadaiyang barangay sa syudad ang modawat sa maong libreng livelihood program sunod semana.
Ang maong kalihokan nahimong posible pinaagi sa City Gender and Development Focal Point System ubos ni City GAD Focal Person Sheila Lumbatan.
News and photo courtesy of CIO CDO